«بات مان» مصر يوزع الكمامات للوقاية من «كورونا»

مع قدوم أعياد الميلاد واقتراب الاحتفال برأس السنة الميلادية التي ترتبط في أذهان الجميع بـ«بابا نويل»، خرج علينا في مصر باسم رؤوف في شخصية الرجل الوطوطي «بات مان» ليقوم بتوزيع الكمامات على المارة قبل الكريسماس بدلا من «بابا نويل».

كان لجائحة كورونا دورا كبيرا في دفع ذلك الرجل المصري إلى إرتداء ملابس «بات مان» وتوزيع الكمامات إيمانا منه بقيوم تلك الشخصية الخيالية بالعمل على فعل الخير وهو ما تفرضه كورونا من حاجة العالم إلى شخص كـ«بات مان» لينقذ البشرة من ذلك الفيروس.

اقرأ أيضا| بالفيديو.. عبد الغفور البرعي يحل خلاف بين بات مان والجوكر
انطلق باسم رؤوف بسيارته التي تشبه سيارة شخصية “بات مان”، في أنحاء الحي الذي يسكن به في القاهرة، وظل يلتقط الصور السيلفي مع من يريد من المارة ويوزع عليهم الكمامات الطبية.

وقال باسم رؤوف لصحيفة الرؤية الإماراتية: «احنا السنة دي مش محتاجين في رأس السنة شخصية بابا نويل إنها تكون متواجدة، لأ إحنا محتاجين شخصية أسطورية معروفة في العالم كله إنها بتنقذ الناس من الصغير للكبير».
وأضاف رؤوف «إحنا محتاجين الشخصية دي إنها تكون متواجدة في الشارع، توعي الناس، نوعية الهدايا اللي تتوزع تكون كمامات لوقاية علشان كورونا، لأن المرحلة اللي إحنا فيها أو المرحلة اللي داخلين عليها محتاجة توعية أكتر من كده ومحتاجة يكون فيه وعي عند الأطفال وعند الناس الكبيرة أكتر من كده».
وفيما يتعلق بسيارته أوضح رؤوف أنه كان يحلم منذ صغره بأن تكون له، حين يكبر، سيارة على غرار سيارة بات مان يتجول بها في المدينة ويتوقف ليلتقط الآخرون صوراً لأنفسهم معه.

وقال باسم رؤوف، «بات مان شخصية في العالم كله، الناس كلها اتربوا عليها، شخصية خيرية بتحارب الشر، والكبار والصغيرين كلها بتحبها، أنا بحبها من صغري بحبها وكان عندي هدف أو حلم إن أنا لما أكبر أشوف عربية أشتريها تكون شبه عربية باتمان أو تكون عربية بات مان، فده كان حلم من وأنا صغير».

وأضاف «وأنا سايق، وأنا ماشي في الشارع طبعاً الناس بتوقفني تتصور معايا وده بيخلي المشوار اللي في الأول كنت أعمله في 10 دقايق دلوقتي بياخد مني ساعة أو ساعة ونص، بقيت قبل ما بأنزل بأدي لنفسي المشوار اللي هياخد 10 دقايق بأديله ساعة، ودي حاجة باسطاني مش حاجة مضايقاني».