[ad_1]
مع بداية الفصل الدراسي، تبدأ الأمهات في التفكير لتحضير “لانش بوكس” مثالي للحفاظ على صحة أبنائهن ولياقتهم البدنية وتجنبهم كسب الدهون وسعرات حرارية مرتفعة، لذا يخترن الأكلات المفيدة مثل الخضروات والفواكه في المقام الأول.
لكن تلك الاختيارات والعادات الغذائية المفيدة ضربت بها إحدى الأمهات عرض الحائط بمنشور كتبته على أحد الجروبات قائلة: « احنا دخلنا المدارس من 20 يوم تقريبًا عملت كل أنواع السندويتشات ودماغي وقفت ومبقتش عارفة اعمل ايه تاني».
وأضافت:« لاقيت نفسي بعمل لولادي ساندويتشات بط سلايز، ده اللي لاقيته في وشي، اعمل ايه يعني والغريب والجميل في الموضوع إن ابني رجع مبسوط وفرحان تفتكروا ده علشان الساندويتشات ؟ ».
بعد دقائق من كتابة المنشور وإرفاق الصوربه، انهالت التعليقات عليه، ليتصدر «ساندويتش البط» مواقع التواصل الاجتماعي مستنكرين من الفكرة.
وبدأت التعليقات والسخرية واسترجاع ذكريات أيام ساندويتشات الفول والطعمية والجبن.
وقالت حنان وهبة: « بط! الله يرحمك يا ماما كانت بتغسلي زجاجة الكلور وتحطلي فيها مية».
وسخر جو سامر:« ده مش فطار مدرسته ده فطار صباحيته».
وقالت نور الهدى يوسف وقالت:« ابني لو شاف البوست بتاع ساندويتش البط هيقولي يا ماما بتضحكي عليا ومفهماني أن الجبنة بس هي اللي بتتعمل ساندويتشات».
وعلقت تايلا سمير:« كان أقصى طموحي أمي تعملي ساندويتش لانشون ».
وأضافت شيماء جمال: « لا حطي لابنك شوربة في الزمزمية علشان يبلع».
وعلقت سمية عادل: « قومي يا بت حطي لابنك ملوخية في الزمزمية».
وعلقت هدير محسن:« ماما يوم ما دلعتني عملتلي ساندويتش لانشون شيكو دودو، وكنت برقص بيهم في الحوش وكنت حاسة بابا وزير المالية وقتها».
وأضافت أمل شريف:« ابنك بعد ما أكل البط هيقول لصحابه يا عيال فقيرة».
وقالت شرين سيد :« البط ده بناكله في المواسم بس».
فيما علقت شريفة:« أنا ببقي صاحية الصبح مش عارفة أنا بحط لابني حلاوة ولا من علبة السمنة وأنت فايقة تعملي بط على الصبح».
اقار ايضا : لمرضى كورونا .. قائمة بالأطعمة الممنوع تناولها
[ad_2]
المصدر